Ishq lagta tha...❤️‍🔥

Khoobsoorat sa lagta tha, 

Voh sama, 

Jisme hum kabhi, 

Kiya karte they roz, 

Intezaar, 

Ek dusre ka, 

Ek dusre ke liye… 

Apnaa sa lagta tha, 

Voh jahaan, 

Jisme hum roz, 

Jeeya karte they, 

Or, 

Ek dusre ko, 

Diya karte they, 

Vajah jeene ki… 

Suhaana saa lagta tha, 

Voh aasman, 

Jisme mai roz, 

Chaand ki Chhaya me, 

Dekha karti thi, 

Chehra tumhara… 

Pyaara sa lagta tha, 

Voh zamana, 

Jisme hum-tum, 

Khoja karte they, 

Socha karte they, 

Tarika naya, 

Prem karne ka… 

Iqraar saa lagta tha, 

Voh sehlana tumhara, 

Mere baalon ko, 

Mere khayaalon ko, 

Mere nigaahon ko… 

Ishq hi lagta tha, 

Voh dhoondhna tumhara, 

Mujhe har shaqs me, 

Mujhe har aks me, 

Har aate-jaate; 

Pal me, 

Har beet-te; 

Kshan me…